RTS BYGGING hevur bygt høvuðsætið hjá Føroya Tele, sum ynskti at savna alt virksemið á einum staði.

Smidleiki lagaður til umhvørvið

Høvuðsætið skuldi umfata ymiskt virksemi og samstundis vera liðiligt, soleiðis at tað kundi lagast til øktu umhvørviskrøvini. Hetta kravdi serlig byggikrøv, og orsaka av hesum er høvuðssætið gjørt sum ein dupultur bygningur á tilsamans 6.666m².

Høvuðsætið hevur pláss til bæði fyrisiting í opnum landslagi, teletøkniligt verkstað og móttøkuøki, felagsrúm og kantinu. Harafturat umfatar høvusætið eina høll við miðstøðugoymslu, bilverkstað og tøknirúm.